在「北上消費」成風之下，本港餐飲業市道備受討論。近日有港男於網上飲食群組分享所見，指尖沙咀海港城一間一向受歡迎的美式餐廳晚市氣氛冷清，晚上約9時半已開始清洗廚房及結帳，與過往同一時段門外排長龍的情況形成強烈對比，直言感覺「有啲唏噓」。
有港男於網上餐廳群組發相表示，尖沙咀海港城1間人氣餐廳晚市冷清。（資料圖片）
有關帖文迅速引發網民熱議，部分人認為餐飲業應從自身找原因，「如果真係好食，生意自然唔會差，平時幫襯開嗰幾間仲係要等位」、「唔好成日話香港人返大陸，食物質素、服務態度同價錢係咪成正比，大家心中有數」；亦有人指出屬於生活模式轉變所致，「而家好少人夜晚出街，9點後已經靜晒」、「依家9點半，唔少舖頭都準備收工」。
相片見到，樓主拍攝時餐廳內只有2枱人客，而近鏡頭的枱上放了計數機等工具及文件，相信用作「埋數」。（資料圖片）
該名港男在Facebook群組「香港茶餐廳及美食關注組」上載照片並發文透露，事發於周日（6月23日）晚上約9時30分，當時該間位於海港城的人氣美式餐廳已着手洗廚房，經理亦忙於「埋數」，感嘆道：「以前呢個時間門口仲排晒隊，而家真係有啲感慨。」
從照片可見，拍攝時餐廳內僅得兩枱食客，其餘座位幾乎全空；而靠近鏡頭的餐枱上，則擺放了計數機及文件，相信正用作結帳用途。
帖文引起大量回應，有網民質疑「仲講以前？」、「關口日日爆，人流自然少咗」、「好食嘅話一樣有人排隊」、「價錢貴、服務一般，客人自然走」；亦有另一派網民認為屬正常現象，「天氣咁熱，留喺屋企叫外賣仲舒服」、「食肆愈開愈多，連快餐店都多選擇」、「9點半開始清潔同結帳，其實好合理，全部搞掂都10點幾先落閘」。
翻查資料，海港城的官方營業時間為星期一至日早上10時至晚上10時。